Habari dit bana romaneasca si internationala

habari dit bana romaneasca si internationala - Parteneriatili ali Românie cu UE şi SUA suntu idyealui di simasie şi nu s-baga problema ti una alidzeari anamisa di ateali dauă - declara prezidentul român, Klaus Iohannis, Sofia, la summitlu UE-Balcan’il’i dit Ascapitata.

Sofia – Parteneriatili ali Românie cu Uniunea Europeană şi Statili Unite suntu idyealui di mari simasie şi nu s-baga problema a unei alidzeari anamisa di ateali dauă - declara preşedintele român, Klaus Iohannis, Sofia, iu l’ia parti la summitul UE-Balcan’il’i di Vestu. Anamisa di temili zburati tru prima sesiune eara conectivitatea tru infrastructură, energie şi singiri digitale, scupo tra cari, tu minduita a şeflui a statlui, lipseasti tra s-da un agiutor ma mari a strategiilor macroregionale. Tru a daua sesiune, "Abordarea a provocărlor comune", Klaus Iohannis scoasi tu migdani că, tru virtutea a proximitatil’ei geografiti, UE şi Balcan’il’i dit Ascapitata suntu tru ligatura di interdependenţă, hiindalui di simasie, ase, dezvoltarea ma largu a cooperaril’ei cu scupolu tra s-asiguripseasca securitatea naţionala şi stabilitatea regionale. Tru bitisita a summitlui, liderl’i a statilor comunitare adoptara una declaratie tu cari napoi sa spuni ti agiutorlu explicit tra perspectiva europeană a regiunil’ei.

 

 

Roma -  Agiucătoarea română di tenis Simona Halep, di fara armaneasca, numirlu una mondial, s-califica, aza, tu cirecurli  di finala a turneului WTA di Roma, dotat cu premii totali di 2,7 miliun’i di euro, dupa ti americanca Madison Keys (14 WTA) s-trapsi di furn’ia a unei accidentari, cu putan kiro ninti ta s-ahurheasca partida. Românca s-califică aesta turlie ti doilu an arada tu cirecuri. Di alta parti, prota adversara a Simonal’ei Halep tru turneulu di Roma, Garbine Muguruza (3 WTA) fu eliminată tru turlu secundu di australianca Daria Gavrilova (24 WTA).

 

 

Bucuresti - Ministerlu roman di Externe lo habari ti apofasea a autoritătlor di Ramallah tra s-cl’iama ti consultări ambasadorlu palestinian di Bucuresti si cundil’eadză, tru un comunicat, ananghea ti s-nu s-agiunga la iti actiuni cari poati s- compromită proteslu di irini. MAE lugurseasti că easti ananghi ma multu di candu s-hiba ti un dialog politic niacumtinat, nica si prit reprezentantili diplomatiti, si ti darea sila a ligaturlor diplomatiti, ti andruparea a unal’ei abordari constructiva tu atea ti mutreasti problematica israeliano-palestiniană. Tutunaoara, MAE napoi aduti aminti ti minduita di prota thesi ali Românie mutrindalui ceareai ti existenta a atilor dauă stati, Israel si Palestina, cari s-baneadza tru irini si securitati. N’iercuri, ambasadorlu ali Palestina tru România, Fuad Kokaly, fu cl’imat tu catastisi di ananghi Ramallah ti consultări. Ministerlu di Externi a Autoritatil’ei Palestinieana (ANP) feati demersul tru contextul tru cari România easti anamisa di vasiliili cari ambudyiusira declaraţia comună a UE mutrindalui rilocarea di cătra statili membri a misiunilor diplomatiti di Tel Aviv, tu Ierusalim, cundil’eadză comunicatul.

 

 

 

Bucuresti – Premierlu roman, Viorica Dancilă, avu moeabeti, gioi, Bucuresti, cu responsabilu tra Piata Internă, Industrie, Antreprenoriat si IMM-uri dit Comisia Europeana, Elżbieta Bieńkowska. Prota tema abordata fu ti yinitorlu buget comunitar, tra care premierlu spusi ca lipseasti s-ndrupască gaeretli ti n’icsurari a decalajilor anamisa di statili membre. Tru arada l’ei, comisarlu european lugursi evoluţia economică pozitivă ali Românie şi feati timbihi că yinitorlu buget lipseasti s-ahardzească ma multu ti cooperarea anamisa di industriili di apărare a vasiliilor comunitari. Di alta parti, tut gioi, premierlu Dancila lu astipta ministurlu israelian a Turismului, Yariv Levin. Atel’I doi zburara ti creastirea exponentiala, tu an’il’I dit soni, a cooperaril’ei bilaterala tu domeniu, Israelu hiindalui pi doilu locu, după Germania, tru toplu a vasiliilor cu nai ma mari numir di turişti agiumţa tu România. Atradzearea a capitalui israelian tu sectorlu turistic autohton si valorificarea a patrimoniului cultural evreiescu dit Romania, prit dezvoltarea a unui program turistic comun, nica eara tu arada a dzuual’ei di lucru ali andamusi.


 

 

Autor: Udalu a habarlor

Armanipsearea: Tascu Lala

 


www.rri.ro
Publicat: 2018-05-17 16:53:00
Vizualizari: 786
TiparesteTipareste